ශ්‍රී ලංකාව සිය නිල ණයහිමියන්ගේ කමිටුව සහ ජාත්‍යන්තර මූල්‍ය අරමුදල (IMF) සමඟ පැවැත්වූ උපදේශන ක්‍රියාවලිය සාර්ථකව අවසන් කර ඇති බව මුදල් අමාත්‍යාංශය නිවේදනය කළේය.
අමාත්‍යාංශය සඳහන් කළේ, මෙම ක්‍රියාවලිය සාර්ථකව නිමා වූ බව නිල ණයහිමියන්ගේ කමිටුවෙන් නිල තහවුරු කිරීමක් ලැබී ඇති බවයි. මෙය ශ්‍රී ලංකාවගේ ණය ප්‍රතිව්‍යුහගතකරණය සඳහා මහා වැදගත් පියවරක් වී ඇත.
ගත වූ සැප්තැම්බර් 19 වැනිදා, ශ්‍රී ලංකාව අන්තර්ජාතික ස්වෛරී බැඳුම්කර හිමියන් සමඟ ණය ප්‍රතිව්‍යුහගත කිරීම පිළිබඳ ප‍්‍රතිපත්තිමය එකඟතාවයක් ගත හැකි වූ අතර, ඊට අනුව IMF සහ නිල ණයහිමියන්ගේ කමිටුව සමඟ ශ්‍රී ලංකාවගේ උපදේශන ක්‍රියාවලිය සාර්ථකව අවසන් කර ඇති බව මුදල් අමාත්‍යාංශය සඳහන් කරයි.
මේ නිසා, IMF සහාය ලබන වැඩසටහනේ සියලුම පරාමිතීන් සම්පූර්ණ කිරීමට ශ්‍රී ලංකාව සමත් වී ඇති බවද විශේෂයෙන් අවධාරණය කර තිබේ.
අමාත්‍යාංශය වැඩිදුරටත් කියා සිටියේ, මෙම ගෝලීය මූල්‍ය අභියෝගය මඟහරිමින් ශ්‍රී ලංකාවට සහනක් ලබා දීමට සහය දැක්වූ සියලුම ණය හිමියන්ට, නිල ණයහිමියන්ගේ කමිටුවට, සහ IMF වෙත ස්තුතිය පළ කරන බවයි.
