ஏ.ஆர். முருகதாஸ் இயக்கத்தில் விஜய் நடிக்கவிருக்கும் `தளபதி 62′ படத்தில் அவருக்கு ஜோடியாக நடிக்கவிருக்கும் நாயகி யார் என்பது குறித்த அதிகாரப்பூர்வ அறிவிப்பு வெளியாகியுள்ளது.
மெர்சல் படத்தையடுத்து ஏ.ஆர்.முருகதாஸ் இயக்கத்தில் நடிக்கவுள்ளார் விஜய்.
சன் பிக்சர்ஸ் பிரமாண்டமாகத் தயாரிக்கும் இந்த படத்தில் விஜயின் ஜோடியாக கீர்த்தி சுரேஷ் நடிக்க இருப்பதாக அதிகாரப்பூர்வமாக அறிவிக்கப்பட்டுள்ளது.
ஏற்கனவே பரதன் இயக்கிய பைரவா படத்தில் விஜய் ஜோடியாக கீர்த்தி சுரேஷ் நடித்திருந்தார்.
இந்தப் படத்தில் யோகி பாபு முன்னணி காமடியனாக ஒப்பந்தம் செய்யப்பட்டுள்ளார்.
கிரிஸ் கங்காதரன் ஒளிப்பதிவு செய்யும் இந்த படத்திற்கு, படத்தொகுப்பு பணிகளை தேசிய விருது வென்ற ஸ்ரீகர் பிரசாத்தும், கலைப் பணிகளை சந்தானமும் கவனிக்க இருப்பதாக அறிவிக்கப்பட்டுள்ளது.
மெர்சல் படத்தை தொடர்ந்து தளபதி 62 படத்திற்கும் ஏ.ஆர்.ரஹ்மான் இசையமைக்கிறார்.
படம் தீபாவளிக்கு வௌியாகும் என அறிவிக்கப்பட்டுள்ளது.